絲絲講場：滙豐青年企業家獎揭盅
讀書最忌係讀死書，如何將課堂所學應用於生活所需，再發展為商機賺錢，確係一門學問。絲絲知道滙豐一向積極發掘同學仔嘅無限潛能，自○○年起就推出「滙豐青年企業家獎」，旨在鼓勵大學生發揮創意和商業潛能，新一年度嘅香港總決賽剛啱圓滿結束，細看同學仔嘅作品，絲絲不得不豎起大拇指講一聲「佩服」！
創意題材發掘商機
獲得金獎嘅城市大學同學，利用轉基因魚類，進行食品、藥物及化妝品嘅消費者產品測試，可以快速及有效地確定產品有冇毒素。銀獎及銅獎由理工大學包辦，題材都可以話係與「食」有關，前者以植物木薯粉製造即棄餐具，後者仲搞嘢，以中國「五行」相生相剋嘅概念，研製辣、鹹、酸、苦、甜5種口味嘅特色香口膠，據講可以相輔相成或互相制衡味道，絲絲聽到都想即刻試吓。
金獎得獎同學喺六月就會飛去吉隆坡，與其他國家嘅同學仔比併，香港同學們，加油呀！
余絲韻