老公調任首席行政官
今次曾裕老公李守義調任做首席行政官，年薪240萬元，根據公司去年年報，佢擔任主席兼CEO時每年薪酬為970萬元，依家薪金可謂大縮水。
曾裕喺○八年底辭去現代美容嘅所有職務，由老公李守義出任，當時佢同絲絲講，由於自己身體唔舒服，要多啲時間休息，不過佢仍然會親自到店舖與前線員工溝通，佢仲話好享受與員工傾偈，將業務及開會嘅大事交畀老公做。
去年十二月，公司一個月內有3名獨立非執行董事兼薪酬委員會成員辭職，最惹人關注係董事會罷免執行董事袁少萍，話因為袁少萍與公司業務目標不一致，會對公司業務經營造成負面影響，所以罷免其職務。
余絲韻