4名贏家南非睇世盃
本身都係球迷嘅Visa香港及澳門地區總經理張耀堂（Sunny）對呢個電子遊戲讚不絕口，因為足球與理財本來「大纜都扯唔埋」，但呢個遊戲係模擬一場足球賽事，答啱關於理財知識嘅問題，就可向對手進攻，最高分嘅4個參賽者仲可以親身去南非睇世界盃，富教育意義及娛樂性，Sunny話有啲題目都真係考起佢。
Sunny又話，青少年應該先學好金錢管理，才向更複雜嘅財富管理埋手，佢仲分享咗個經驗畀大家做反面教材。話說佢以前都幫襯過銀行嘅「零存整付」服務，起初都好有恒心，但隔咗幾個月後就忍唔住誘惑將啲錢提出嚟消費，佢希望青少年千祈唔好學佢，因為咁樣係儲唔到錢㗎！
余絲韻