潮流興瘦身，敦沛證券助理副總裁李偉傑（Jason）讀中學時就試過狂食生果減肥，效果仲唔錯添。Jason話佢讀中五時體重曾高達188磅，於是激起咗減肥嘅決心，由於佢父母係開生果檔嘅，Jason就順理成章用最便宜嘅減肥方法─狂食生果，佢每餐都食蘋果、橙、香蕉、西瓜等生果，持續咗3至4個月，成功減咗30磅。不過佢就提醒大家唔好亂咁學，始終食得生果多容易肚痛，另外亦要記得做適量運動及配合休息。
到咗依家，Jason自然身材Fit晒，早前仲娶得美人歸添。依家太太有咗BB，佢就好體貼咁每朝都陪太太一齊返工，有次太太喺地鐵車廂暈咗，有個婆婆好心借咗支白花油畀佢太太，Jason立即感到人間有情。為咗太太同BB，Jason依家努力睇緊育嬰書，果真係廿四孝老公同爸爸。
余絲韻