國際油價衝上每桶85美元水平，刺激相關股份做好，中信資源（01205）昨日上升近5%，以挨近全日高位收市，報2.13元。該股走勢好轉，加上有大行積極現身買貨，故不妨順勢跟進。
中信資源上月底公布去年度業績，純利下跌43%，股價隨後受壓，不過集團致力改善採油方法，目前採用新開採技術蒸氣吞吐及蒸氣驅採油法，以提升產量，而旗下的月東油田預期於今年下半年試產。隨着全球經濟復甦，相信油價持續獲得支持，後市有力屢創新高，對中信資源自然有所裨益。
其股價昨日一口氣收復10日、20日及50日線，即見大行現身全力買貨，好似美林遠東、花旗均只有現身買盤，分別達60及18次。
其實在過去二十個交易日，唔少大行一直靜靜吸貨，好似瑞信、美林遠東、高盛亞洲、巴克萊等，不妨吼位跟進。
（小尾）