新推碳酸飲料搶市
有人曾估計大陸嘅碳酸飲料市場規模達400億人仔，咁大舊肥豬肉，依家百事可樂及可口可樂都食得津津有味，匯源為咗爭食大打「健康牌」，宣稱果汁果樂不含一般碳酸飲料採用、對身體有潛在危害嘅咖啡因物質，之不過碳酸飲料有咖啡因係公開嘅秘密，銷量依然咁好，「健康牌」係咪打得響就要用時間證明。
內地嘅飲料市場一直競爭好大，唔使問都知道係一場硬仗。可口可樂自30多年前打入中國市場，之後內地出現咗好多隻「疑似」可樂飲料，如由青島最早開發嘅嶗山可樂，亦有重慶天府可樂，但兩者唔係停產就係被收購咗，當中名氣最大嘅非常可樂亦只能夠退居農村市場。
（余絲韻）