港交所認股權豐收
詹德慈離開港交所，絲絲就最關心佢嗰筆認股權。佢喺○五年一月獲授共16.4萬股認股權，每股行使價19.25元，○七年起可以開始行使，到今年就剛可全部行使晒。不過睇番港交所嘅最新年報，截至去年十二月底，詹德慈仍持有12.3萬股認股權，即係只行使咗4.1萬股認股權，相信佢會喺離職前行使埋餘下嘅認股權。
按港交所股價昨收報137元計，16.4萬股認股權，每股行使價19.25元，帳面盈利都有1,931萬元。
至於佢去年喺港交所嘅底薪就有327.4萬元，加埋現金花紅、其他福利等，合計總收入有511萬元，較○八年嘅502.9萬元微升1.6%。
（余絲韻）