傳加盟輪場新軍
最新鮮熱辣嘅一單係翁世權已於上周五喺法巴Last day,離職前佢係法巴股票零售及衍生產品部執行董事,市場傳聞話佢會去一家新加入輪場嘅大型銀行再戰江湖。
翁世權喺法巴多年,已成為公司生招牌之一,今次離職市場都有幾多耳語。有傳聞話法巴年前收購咗富通集團後,佢唔係太適應新嘅處事作風;亦有話翁世權已喺法巴多年,想接受一下新挑戰,咁啱市場上又有大型金融機構想加入窩輪戰場,要搵新血,雙方就一拍即合。
金融界人士過檔一般都要「過冷河」,相信翁世權亦唔例外,大家想知道佢嘅最新動向,可能要等三個月後喇!
余絲韻