主管亞太區經研
兩人都升咗做常務總監兼經濟研究亞太區聯席主管,後面個職銜梗係為佢哋而新設。屈宏斌會繼續佢嘅強項,主管大中華地區嘅經濟研究,而范力民就主管其他亞太地區嘅經濟研究。此舉更反映滙豐幾咁重視亞洲區,亦配合集團西向東移嘅策略。
大家對范力民就或者陌生少少,佢喺○五年加入滙豐,係研究亞洲經濟嘅資深經濟師,之前有多年教學經驗,曾經喺不同大學教授經濟,絲絲仲聽聞佢好勤力,好多時周六、日都返工,觀其樣貌應不出四十,真係年輕有為,據講佢依家仲係單身。講講吓差啲唔記得講張之明,佢今次亦被委任為滙豐環球研究中國研究部主管。
余絲韻