喺尋日龍工嘅業績會，李總自爆話公司有第二個5年計劃，其中一項係「委託經營」，即係會放手交畀自己嘅團隊處理公司事務。李總會與總裁分工，佢自己主外，例如海外購併等對外活動，總裁就主內。
此外，自己主理宏觀戰略設定，並為公司制訂目標，而具體執行及行政之類嘅事就會交畀管理團隊做，是為「三管、三不管」。
龍工海外銷售回升
講開對外，海外市場佔龍工業務嘅份額一向唔係好大，李總又有冇計劃「走去出」呢？李總就話睇咗好耐，但係都冇合適嘅收購項目，不過隨住外圍經濟復甦，海外市場嘅銷售亦回升，首季已賣咗340台機器，已經多過去年全年賣嘅297台，全年希望賣1,500至2,000台去海外。
余絲韻