除咗Miranda外，依家銀行界嘅女CEO，計有恒生嘅梁高美懿、星展嘅葉約德同埋中信嘉銀嘅陳許多琳，再數落去都數唔出，所以Miranda升任CEO，身為香港女性都戥佢開心。
Miranda都好猛料，喺銀行界任職超過25年，九六年時由美銀集團內部調至美銀亞洲，後來美銀亞洲被建行「食咗」後，佢就擔任建行亞洲執行副總裁兼個人銀行業務主管，專睇港澳業務。
至於邊個接手Miranda原有職務？佢就係黃濤，佢喺九六年任職建行，喺收購美銀亞洲期間充當兩行溝通嘅橋樑，務使兩行順利融合，成績亦有目共睹，能夠再上一層樓亦實至名歸。
余絲韻