美國暫時唔退市，內銀股集資潮又差唔多塵埃落定，市場上應該無咩再向下落藉口，市場上游資仲係好多，不過大市無咩水位，就多作觀望，聽日又係長假期，早前幾次長假期返來，大市都例挾一挾上，唔知今次會唔會呢？
近期大市就無咩運行，不過啲股仔就依然有少少鑊氣，中能控股（00228）一月底曾經以0.45元配售7.25億股出街，之後股價就橫行咗一個月，三月初見佢慢慢爆上，升抵0.7元又玩整固，明眼人都知想玩級級上，可能幕後都諗住長假期後大市可能再挾上，尋日突然抽上去試三月高位，照計破頂機會甚大，博中能假期後返來繼續大炒，向上隨時見1元，止蝕可放於0.66元。
古晨