股份儲蓄Plan有限制
事隔一年，「大笨象」又向同事宣布推出呢個儲蓄計劃，本周一就公布埋今次計劃嘅優先認股價，係62.977元，見過去年世紀價後，即使呢個價比以前好景時都叫做平，但員工都唔覺得有驚喜。
「大笨象」嘅股份儲蓄計劃係有限制嘅，員工每月最多只可供250英鎊，即係唔夠3,000港元，供1年、3年或5年，Quota都好有限，如果有Quota剩就不妨考慮吓。
據絲絲所知，去年「大笨象」約有9.2萬名同事參加咗一個或以上嘅股份儲蓄計劃，但佢哋全球員工好似有30萬人咁多，點解只有約三成人參加？比例似乎低咗啲喎！
余絲韻