吉利集團董事長李書福喺瑞典隆重公布收購富豪汽車呢單大刁後，佢喺北京再解畫，話未來吉利與富豪係兄弟而唔係父子關係，即係安撫對方，大家以相互尊重、相互支持、共同發展嘅態度處事。
「吉利不生產富豪，富豪也不生產吉利。」呢個係李書福嘅諾言，佢話吉利係吉利，佢哋非常清楚富豪汽車來自北歐，植根於瑞典，離開這個特定嘅土壤，富豪將不再係富豪，冇咗根基嘅品牌，自然就失去生存價值。
講番呢單刁嘅收購過程，李書福話真係好激烈，有瑞典當地嘅，有美國、英國、中國及世界各地嘅，大家搶住要去買好企業，但點樣保證富豪未來命運係健康，喺行業內仍能夠繼續為人類嘅安全、交通做貢獻，呢啲都係買賣當中嘅內容。
佢自言吉利研究富豪呢間企業已經有八年幾，正式與福特溝通都有三年幾，大家都好了解對方。呢啲都係福特選擇吉利做新東家嘅重要元素，亦解釋到「吉利買到了，其他人買不走」。講到底，並唔係有錢就能買，成件事牽涉到好複雜嘅系統。
余絲韻