今日港股季結，三月份期指終能在高位結算，而內銀股的集資潮漸見明朗，在拆彈成功下，港股亦重上21,400點，計數港股落後美股甚遠，早前市場擔心內銀股要大型「抽水」，港股始終彈唔起，現在慢慢明朗化，在估值較吸引下，港股可能在第二季會有更好表現。
港股要好，最重要都係靠企業業績支持，而業績公布至今，企業都有唔錯增長，所以曾經發過盈喜嘅股份，最值得優先留意。
黃金集團（01031）一月曾發過盈喜，指去年業績將會由虧轉盈。內地經濟起飛，帶動訪澳旅客大幅提升，料黃金集團在澳門收益會有不俗表現，難怪近日股價密密係咁升，料業績前仲有高位，上番0.5元更好炒，一於博佢炒上見0.65元，止蝕位不妨設於0.44元。
古晨