超人唔玩FB 驚被「點爆」
●李嘉誠私人及基金會都有投資的facebook紅遍世界，但佢自己就無喺facebook開戶，佢笑言若開了戶，定必引來許多市民登門拜訪，容乜易畀人「點爆」機。對於facebook會否上市，佢話要由大股東決定。
論股樓「投資要小心」
●樓價急升，有老記問李嘉誠指點迷津。李嘉誠話要講自己嘅內心世界畀大家聽，就是「投資是要小心」，個人投資要小心，基金會的投資，佢更小心，對公眾講樓價及股價，佢本人更真是萬分小心。因為自己太大膽，損失是個人的，若對公眾說話不盡不實及有誇大，則是罪過！佢仲認為現在地價穩定，而建築費飛漲、利息又低，出現通脹是不稀奇的。
評最低工資 「影響不大」
●近期市場熱話仲包括最低工資立法，李嘉誠話對集團的影響不大，因集團只有很少、很少員工屬最低工資工種，若落實最低工資，集團會以合作態度處理。
TOM停夥谷歌屬商業決定
●TOM早前於內地終止了與谷歌（Google）的合作，令人猜想TOM集團（02383）是否不贊同谷歌撤出內地市場，TOM集團主席陸法蘭表示，這純粹是商業決定，TOM與谷歌的合作協議已於較早前屆滿，佢亦不評論谷歌的決定。