家長最唔希望見到嘅其中一件事，就是子女被名校拒諸門外，不過話說回頭，考唔入名校亦唔一定會影響未來嘅事業發展，就好似「股神」巴菲特、「CNN之父」特納（Ted Turner）及太陽電腦創辦人麥克尼利（Scott McNealy）等名人，原來都曾被著名學府拒收！
好多人都知巴菲特係哥倫比亞大學嘅著名校友，但原來佢喺投考哥大之前，曾被哈佛商學院拒收，巴菲特及後更承認，當時佢好怕父親會失望，自己亦因為咁而恐懼，好彩喺父親給予信心及支持下，佢申請入讀哥大，此事使佢領悟到暫時嘅挫敗唔會持久，最終更可能成為一個機會。
至於特納，佢大學時期因父親自殺而要放棄學業嘅故事好多人都聽過，原來佢投考大學時，亦曾先後被哈佛及普林斯頓大學拒諸門外，佢最終未能完成大學課程，不過憑住自己嘅眼光成功創辦CNN，並為新聞媒體掀起一場重大革命！
余絲韻