公司唔大具潛力
有人問佢，依家間公司都唔算大，喺度做有乜感覺？佢話有位老行尊曾經同佢講，話如果有一間九成入住率同一間三成入住率嘅酒店都請你去管理，你一定要揀三成入住率嗰間，點解？事關要將九成提升至十成真係好艱難先做得到，但由三成提升至六成相對易啲，而且發展空間及潛力又大啲，滿足感又高。所以佢認為貿易通係一間好有潛力嘅公司，未來大有作為。
以前做開與證券相關嘅嘢，依家突然轉咗搞電子商務會唔會好唔同？佢話分別好大，以前佢做十單「刁」，八單輸錢兩單賺錢已好OK，可達到盈利基本要求，但依家做每個決策，都要有八、九成把握先可以拍板去做。
余絲韻