Eugene話佢過往有10年時間喺加拿大打工，當地每兩星期就出一次糧，所以佢每兩星期就攞住份人工，研究點樣分配退休金投資，佢調過嚟香港後都一直沿用呢個習慣。
美加菲上市10周年
Eugene咁早已計劃退休，睇嚟佢應該好着緊日後嘅退休生活。永明最近就做咗個調查，發現原來港人對退休儲蓄都有幾大差異，目標退休存款由50萬至2,000萬元不等，而且八成人都預期會降低退休生活水平。
話時話，本周一係永明金融喺多倫多、紐約及菲律賓交易所上市10周年嘅大日子，唔知員工會唔會有特別分紅獎金慶祝呢？原來係冇嘅，只係搞咗個比賽畀員工寫文章分享佢哋喺永明嘅歲月。
余絲韻