仙班股愈炒愈熱，食住個勢再向呢類股仔埋手，南海石油（00076）股價早前從5仙插水，落到4仙有支持，連續三日4仙不破，最近兩個交易日成交更回升，睇樣調整接近完成。南海去年底向投資公司Kelton Capital發行1億美元一五年到期可換股債券，債券年息6厘，債券換股價7.75仙，較其現價溢價逾五成。
南海集資用作增加石墨礦石儲備及擴大石墨產量的備用金，Kelton肯用咁高價認購呢隻CB，當然係對公司前景有信心。詩詩一於少理，既然近期股仔炒風熾熱，南海又有足夠熱身，嚴守止蝕0.038元唔怕跟一轉，目標價0.052元。
詩詩