上海世博會仲有個幾月就正式揭幕，作為世博嘅全球合作夥伴，交通銀行（03328）已先後推出多項大型推廣活動。交銀香港副總經理陳霞芳（Nancy）早前就同絲絲透露，話就算幾忙都會抽時間去上海參觀世博，親身支持今次嘅百年盛事，唔知到時佢會買幾多件世博吉祥物「海寶」嘅手信返嚟呢？
Nancy話上海世博佔地龐大，如果要睇晒嘅話需時一個月，即使選擇精華遊，淨係參觀部分展館亦要花七至八日，咁即係話，要喺芸芸兩百多個國家及國際組織嘅展館之中，揀出心水談何容易？
不過冇有怕，Nancy話交銀香港遲啲會喺佢哋個網站開設名為「世博攻略」嘅版面，為市民提供上海世博嘅最新資訊及展館資料，另有精選展館介紹、建議參觀路線同埋世博地圖，而呢張地圖除咗電子版，亦備有印刷版供交銀香港客戶索取，益客之餘，連Nancy都可以受惠！
余絲韻