霍嘉治雖然貴為銀行大班，但佢一啲都唔馬虎，當日與150位首批出發嘅同事，喺大清早6點幾就抵達大埔吐露港單車徑進行熱身，跟住喺7點半鳴槍儀式後就浩浩蕩蕩咁出發，仲踩畢全程10公里嘅賽道。霍嘉治話可以同一班熱心朋友齊齊踩單車，支持一項既環保又健康嘅運動十分有意義。
單車百萬行籌逾300萬
滙豐亞太區企業可持續發展總監區佩兒嗰日未有落場，絲絲收到風原來係因為農曆新年前佢踩單車親自視察是次活動路線嗰陣唔小心跌親，由於負傷在身，所以佢嗰日只好從旁打氣。滙豐今次籌得逾300萬元善款，會捐畀博愛醫院、教育及社會服務作為經費。
余絲韻