港股繼續高位牛皮，未有大方向，大家都係得個「望」字，好彩咁悶嘅市況中，仲有隻安寧（00128）送上一點溫暖。早前古晨都同大家講過佢應非池中物，果然幾日間就炒上1.2元，真係要寫個「服」字。其實近排除咗安寧威威之外，隻帝通（08220）都炒到飛沙走石，尋日仲突然停埋牌，唔知係唔係有老利消息呢？
帝通炒得咁勁，主要係大家都睇好內地電影業，電影係一個回報不俗嘅行業，現在阿爺都話要扶持，咁大家又點會放過咁好機會呢？
帝通急升成3倍，諗落都玩唔過，何不搵啲落後電影股。華億傳媒（00419）有份投資《十月圍城》，內地票房理想，加上旗下旅遊衞視廣告收入亦有唔錯增長，華億本身有晒內地電視及電影媒體概念，理論上仲好炒過隻帝通，睇番股價5仙橫行收集咁耐，小心隨時借勢炒上，並且脫離仙班都唔奇，止蝕位可放0.046元。
古晨