中電（00002）早前贊助5位來自香港、印度及澳洲嘅年輕中電工程師，化身「極地大使」，本月初前往南極展開「極酷行動」，感受南極受氣候暖化影響，並協助修復南極教育基地因受雪暴侵襲而損壞嘅太陽能發電裝置。
今次嘅隊長係香港土生土長嘅印度人沈文匯，佢同另外4位成員依家已經到咗烏斯懷亞（Ushuaia）！原來佢哋要經過60小時旅程，才去到距離南極最近嘅城市─位於阿根廷嘅烏斯懷亞，呢個名嘅西班牙語係Fin del Mundo，意思係世界盡頭。
呢個計劃咁有意義又具挑戰性，吸引咗幾十個職員報名，過五關斬六將之後終於選出5人，佢哋嘅主要任務係修復南極教育基地，所以出發嘅成員全部都有工程背景。難得去到南極，一批亞太區學生及中電員工提出咗10項任務，希望佢哋可以完成，原來「與企鵝共舞或親吻牠們」係最多人想佢哋完成嘅任務。係咪可以完成所有任務？佢哋喺本月二十六日返港後會與本地學生分享見聞，到時咪知囉！
余絲韻