近期熱爆嘅安寧控股（00128），尋日吹吹風華懋要上市，班炒友就忙個不停。當然啦，若果真係借殼，市值隨時過千億，點解唔博先？結果大家一搶就搶貴晒。
古晨估計，安寧如果愈炒愈癲，遲早班炒友又搵其他注資對象落手。其實市場有好多可獲注資嘅準駙馬，濱海投資（08035）去年底食正個燃氣浪，股價炒上再炒上，近日公布首九個月更成功轉虧為盈，純利達2.18億元，除咗本身業務漸上軌道外，最重要係佢有個好媽媽天津泰達，其業務廣泛，資產更超過1,200億元人民幣，如果市場大炒注資熱潮，只怕濱海投資不愁寂寞，暫時向上目標睇1.2元，止蝕可以放於0.75元。
古晨