美股愈升愈勁，在就業數據理想支持下，上周五道指重返10,500水平，預期對今日港股價應有一番刺激。雖然兩會暫時未有利好消息出台，但港股落後美股太多，在追落後下應有機會收復番21,000點，屆時將完成頭肩底嘅調整，或有另一番局面。其實上個禮拜四開始，啲股仔都已經開始發威，而且仲係愈細價愈升得勁，古晨記得次次炒到水尾，啲仙股都會幾成幾成咁升，係睇你夠唔夠膽追而已。
上個禮拜古晨就<img src='/font/c8cf_5nbk.gif' border='0'/>中隻杏林醫療（08130），內地大搞醫改，杏林醫療就專為內地醫院搞數碼化，可以講係食正晒醫改概念，加上佢股價細細粒，一掃即起，配合仙股當旺，上個禮拜五先至剛剛開車，無理由咁短癮，睇佢隨時可以脫離仙班，不妨投機跟進，直上見0.15元，止蝕一於定喺起步位0.080元。
古晨