勇仔車禍喪母善長送暖
「出咗事之後我已經冇開工，有咗呢筆錢個心定咗好多，可以好好咁照顧勇仔，真係好多謝咁多善長嘅關心！」上水河上鄉一宗奪命車禍，令好媽媽徐海林命喪輪下，年僅五歲的黃樂勇亦身受重傷，病情更一度危殆。一宗母死子傷的意外廣受巿民關注，東方日報慈善基金與太陽報愛心基金共接獲善長捐款逾十三萬元，送上善款之日適值勇仔傷勢好轉，「依家已經冇乜痛，醫生話我好快可以返屋企！」
事發至今已逾一個月，黃父的面容仍然憔悴。黃指妻子的後事已於一月底辦妥，當時因見勇仔病情尚未好轉，每日到醫院探望兒子時仍強抑傷痛，希望兒子可以堅強的撐過難關，「嗰時勇仔仲未過危險期，雖然唔可以入去病房，但我知佢感覺到我喺度！」黃指車禍令勇仔身體多處骨折，盆骨亦告碎裂，先後接受五次手術後，傷勢已日漸好轉。探訪期間，勇仔更主動與記者打招呼，精神不俗，但卻不願多提與母親有關的一切。
黃父指出，勇仔經個多月的治療後，近日剛拆去支撐手部的支架，現正待安排接受物理治療，改善活動能力，「醫生話好彩勇仔仲細，復原能力會高啲，將來嘅活動能力應該冇問題！」得悉勇仔手部活動能力未受影響，黃父亦鬆下一口氣。
父子銘記支持鼓勵
雖然年紀小小便要承受喪母之痛，但勇仔一直表現堅強，近日病情好轉後，小臉蛋亦重展歡顏。黃父稱，礙於勇仔仍未能下床，故不時嚷着要收看電視兒童節目解悶。儘管前路茫茫，黃父自言不會放棄，目下僅希望勇仔能盡快康復重返校園，並走出陰霾，重過正常生活，「等仔仔返番學之後，我會努力搵工賺錢養家！」
對於讀者慷慨捐助，黃父深表感激，並多次叮囑記者代向善長致謝，並自言父子倆會銘記善長的支持和鼓勵。
捐款編號：11846
記者 許紹基