本文重點
滙豐亞太區主席王冬勝（Peter）尋日現身城市大學，唔通又同班大學生分享寶貴工作經驗？非也，佢今次係獲邀領獎嘅，原來城大商學院早前獲國際著名商學院榮譽組織Beta Gamma Sigma邀請成立分會，王冬勝獲頒第二屆名譽會員資格，認真恭喜！
名譽會員粒粒巨星
做得BGS嘅會員都係精英中嘅精英，當然名譽會員就更加巴閉，而且呢個資格並唔係浪得虛名，要係達到好專業嘅水平，直頭係商界翹楚先至可以獲頒嘅，好似佢第一屆嘅名譽會員都係財經界巨星，包括有我哋好熟悉嘅前金管局總裁任志剛。
Peter喺成班大學生面前接過獎狀都好開心，仲話覺得好榮幸呢！其實大家都知道佢喺銀行界做得相當出色，而且亦一直步步高「升」，所以話佢今次獲頒呢個資格都認真係實至名歸！
余絲韻