本文重點
今年嘅世界移動大會撞正農曆新年，好似冇咩中資電訊領導出席，但原來聯通（00762）嘅總裁陸益民有去，據聞第一次參加呢個大會嘅陸總仲令在場所有嘅人士大吃一驚添，因為陸總嘅英文非常流利，身為第一個演講嘉賓，佢除咗用英文演講之外，連同在場嘅其他CEO交流，全程都係用英文，冇用翻譯，陸總果然真人不露相。
購尼國電信現兩版本
近日有單關於聯通收購尼日利亞電信公司嘅新聞，聯通發言人日前否認上市公司同母公司競購及參與組財團競購尼日利亞電信，但外電報道，尼日利亞公共企業管理局公布一份正式信函顯示，聯通集團於歐洲子公司中國聯通（歐洲）支持New Generations Telecommunications財團競投尼日利亞電信權益，又話成功取得有關權益，公司將據協議條款提供技術及管理支持，而中國聯通（歐洲）更將根據同財團最終嘅協議考慮參股至少20%。聯通發言人最新嘅回應係，正同母公司跟進中。咁究竟聯通或者相關嘅機構有冇參與呢？
余絲韻