內房股早前成為跌市下的重災區，但經一輪下跌後，現時唔少股份都從超賣中回復過來，內房股亦唔例外，其中剛剛復牌，宣布以3.28億美元，即約25.49億港元購入高盛上海花園廣場項目的上海復地（02337），股價昨日就成功在2元水平找到支持，升4%，以近全日高位2.08元收市。
事實上，隨着上海將發展成為金融中心，當地樓價理應上升不少，發展空間龐大。況且復地一月份銷售情況亦見理想，相信集團今年盈利表現亦會不俗。
至於集團股價已錄得一定幅度調整，因此當跌至2元水平，大盤就見開始出手吸納，好似在過去五個交易日，摩根士丹利現身買盤達72次，巴克萊、海通、國泰君安、德意志及瑞銀亦見跟進。由此可見，集團現時已屆吸引水平，不妨吼位收集。
（小尾）