本文重點
喺ＩＴ界打出名堂，依家被稱為「打工皇帝」嘅唐駿，好多人都想知佢嘅理財之道，佢話過去幾年都有搵唔同地方嘅理財顧問幫手，不過講到房地產投資佢就怕怕，話現時嘅樓市根本係一個大泡沫，揸現金會安全好多，就算做啲基礎性投資，都比買樓划算得多。
雖然自己冇創過業，不過叫得做「打工皇帝」，唐駿嘅身家比好多中小企老闆都要豐厚得多。除咗自己物色優質企業做啲一級市場投資之外，唐駿定期都會買吓國債，仲會將錢交畀內地及海外唔同嘅理財顧問，由專人幫佢打理投資事項。
住酒店唔做「房奴」
不過，對於呢幾年炒到慶合合嘅樓市，唐駿就一向敬而遠之，寧願畀朋友笑係「無家可歸的人」，都堅持住酒店而唔買樓。
佢話依家內地樓價已經普遍偏貴，可以話係不具持續性，如果喺現時仲要買樓做「房奴」，根本係唔理性嘅行為，倒不如揸住現金將來想住邊就住邊，而喺現時情況下，佢建議做一啲基礎嘅投資會好過買樓。
余絲韻