唔想打工臨門拒賣

秦老闆尋日同絲絲食飯，佢話有個澳洲客戶喺○六年想用6,000萬美元（約4.68億港元）收購佢間公司，仲想請番佢做公司顧問，當時中金再生業務主要喺華東一帶，每年盈利都係約5,000萬元人民幣，收購價相當於市盈率約10倍，佢就梗係心郁啦；不過佢諗諗吓始終唔想同人打工，於是喺簽約前一刻拒絕咗，就算對方加碼到6,500萬美元（約5億港元），佢都一樣Say No！

秦老闆話，依家公司業務愈搞愈大，去年上市集資所得嘅資金會用喺未來發展，啱啱用2.2億元喺江陰買咗個碼頭，估計每噸運輸成本可慳番50至60元人民幣，未來會考慮喺天津再買多個碼頭，3至5年內仲會投資多5億至6億元人民幣，希望將每年鋼鐵銷量提高到500萬噸！

余絲韻