尋日升市其實都升得幾全面，最難得係啲股仔炒味濃番好多，內地催谷內需，除咗一般嘅內需股外，電影市場其實亦係一個受惠環節，近期內地上映嘅電影套套都收億億聲，可見市場潛力有幾大，而中央亦睇到電影市場嘅急速發展，所以就推出咗「電影繁榮發展指導意見」，希望可以搞大成個電影市場，而相關嘅電影股亦紛紛炒上，好似星爺隻帝通（08220），尋日就升咗26%，近期累計升咗一倍，不過古晨反而鍾意隻美亞（00391），近期佢炒咗上0.25元好一段時間，但始終都係無突破，尋日再試衝阻力，如果今日突破，向上隨時睇0.35元，都算有啲肉食，止蝕可以考慮0.215元。

古晨