恒指尋日一度失守20,000點關口，收市雖然企得穩喺20,000點樓上，但個市咁弱，短期都好難有轉機。今日期指結算，假如內地股市持續無起色的話，港股都唔會有運行，所以詩詩繼續採取觀望態度，等20,000點樓下先至開始執平貨。
中航科工（02357）尋日早段一度升過上3.63元，但最後回返落去以3.5元收市，升幅收窄至只得0.86%。
中航科工尋日發盈喜，預期去年業績將扭虧為盈。其實集團附屬公司近日公布的業績都有唔錯嘅表現，所以中航科工成功扭虧絕對唔出奇。除咗業績之外，中航科工最值得憧憬嘅當然係注資，事關母公司完成重組之後，市場估計未來三至五年內將陸續注入1,500億元人民幣資產，所以中長線絕對可以睇高一線。
中航科工近日表現相對硬淨，但係家陣最緊要睇住條五十日線，如果跌穿的話，有機會落番去3元水平，到時再買都唔遲。
詩詩