本文重點
一場金融海嘯令到環球財富大執位，上市公司嘅市值亦都縮水後再發大，好似內地油企巨擘中石油（00857）喺○八年痛失環球市值一哥寶座，去年又再度超越埃克森美孚做番一哥。
能源諮詢顧問公司PFC Energy尋日公布全球能源企業50強年度排名，中石油繼○七年擊敗埃克森美孚做「冧巴溫」後，○九年以3,531億美元市值再奪桂冠，埃克森美孚以3,237億美元市值緊隨其後。
市值稱冠全靠A股
中石油嘅環球市值一哥寶座失而復得，與A股去年大發神威有直接關係。滬綜指去年累升超過八成，而美股三大指數中，升幅最多嘅納指都只係累升43.9%，A股公司市值膨脹速度自然快得多。
除咗中石油，工行（01398）去年市值達2,689億美元，環球市值排第4，更加係銀行股中最高市值。
余絲韻