昨日，受同業西王糖業（02088）配股消息影響，大成糖業（03889）股價一度被質低至1.81元水平，連20日線都失守埋，惟集團低位承接力強，唔少大行都見出手買貨，最終股價企穩在2元水平樓上收市。
事實上，隨着內地經濟復甦以及國家推動內需下，食糖消費有望保持穩定增長。況且，大成糖業早前亦宣布，已向台灣證券交易所申請發行台灣存託憑證，可視為利好因素。
昨日大成糖業的買盤踴躍，就筆者所見，昨日主動買盤就增加至330萬股，而現身買盤最多為德意志，達53次；其次是派杰證券，有32次；宏遠證券亦達12次。雖然這些買盤都並非大手吸納，但大行既然願意在低位出手接貨，力托大成糖業股價重返2元樓上，顯然誠意十足，現價上車等收成風險唔高，不妨小注跟進。
（小尾）