港股昨日午後發力，重上21,600點水平，恒指報收21,677點，升217點。大盤轉強，反而二三線股靜咗些少。詩詩持有的人和商業（01387）靠穩，回升1%，報收2.01元。港華燃氣（01083）同樣轉趨穩定，回升1.4%，繼續持有，唔贏唔走。
四海國際（00120）近日股價扶搖直上，成交開始活躍，估計集團正醞釀大動作，唔排除有重大注資收購跟尾。睇番資料顯示，四海其中一名股東於上月十八日，曾以每股作價0.497元減持逾億股股份，但四海股價不跌反升，好明顯呢批貨已盡入強中手。
四海截至○九年九月底止的中期業績扭虧為盈，賺3,362.5萬元，每股盈利1.49仙，相對前年同期則大幅虧損1.75億元，盈利表現明顯大有改善。睇番四海依家市值接近20億元，若然有新業務或項目發展，肯定屬於重量級質素。略為可惜係四海交投仍未夠活躍，唔多啱炒友嘴形，不過呢一點亦證明，此股貨源極度歸邊。
詩詩