本文重點
體育帶嚟咗唔少商機，好似雅天妮（00789）咁，佢哋尋日就公布已經簽咗兩份協議，都係關於生產足球配飾，分別獲得球王比利及意大利足協嘅全球非獨家特許權，用佢哋嘅素材及商標做批發同埋零售。
奪比利產品特許權
根據備忘錄，雅天妮可以整一啲好似耳環、頸鏈等嘅時尚配飾，亦都可生產匙扣、相架呢一類禮品及精品，兩份協議其實已經喺本月六日生效，球王比利嗰份協議會喺二○一五年年底到期，雅天妮有優先權再續5年；意大利足協嗰份協議就短啲，今年底就會夠期，有關特許並唔包括意大利本土。
球王比利雖然唔靚仔，不過好好波，相信都會好多人有興趣購買關於佢嘅精品；意大利聯賽雖然喺香港受歡迎程度大不如前，不過聽講祖國同胞仲係好鍾意呢類集中戰術及技術嘅足球對戰，相信商機都會好大。
余絲韻