美邀華學者論經濟

紐交所希望每年搞一次「中國經濟論壇」，今次係由世界銀行副行長林毅夫領軍，招商局集團董事長秦曉與來自兩岸三地嘅六位經濟學家亦有到場，吸引咗超過六百名美國政商學界名流到場聆聽。

到場嘅人梗係想聽吓呢班經濟學家對中國依家嘅經濟問題有冇解決方案，點知佢哋幾乎一面倒反擊外界「唱衰中國」式嘅批評，例如強調中國喺二○二五年就能超越美國，成為全球第一大經濟體，早於任何西方機構嘅預測；又話唔買中國貨將令美國貿易不平衡擴大，對美國不利；通脹壓力並冇當初快速發展中嘅日本、韓國、香港及台灣咁大，總之就係講到中國冇大問題。

美方嘅代表聽完後梗係半信半疑，冇理由大家預期嘅中國經濟問題，竟然係冇問題！有與會者直言「這不太可能」，反而擔心透明度不足先至係大問題，佢話如果呢啲學者能真正指出問題所在，而且討論解決辦法，可能仲令佢放心啲。

余絲韻