環保先鋒收購林木

余總做咗環保相關工作已經十幾年，近期粵首計劃收購一個菲律賓林木項目，做林木除咗種樹賣木之外，仲可以拎埋個碳減排去做交易，同環保都有好大關係。

余總就好謙虛咁話，做呢行要講天時、地利、人和，如果運氣好，業務都會唔錯。

粵首諗住買嗰塊地嘅總面積仲大過香港，佢哋嘅財務總監溫漢強就話，依家個項目仲做緊審計工作，相信明年一月就可以完成，到時就可以公布詳細資料，希望兩個月內可以完成呢項收購。至於呢塊地依家嘅狀態，佢就話已經有啲木材係可以拎去賣，不過分銷渠道就要再傾，要再去完善個銷售網。

余絲韻