放假氣氛好濃厚，市場充滿「牛」氣，可惜係牛皮個牛，而非牛市嘅牛，全日成交不足350億元，認真奀。大戶同基金經理放假未返，睇怕新年前都係無咩特別搞作，放假心態勁重下，只宜雞仔注炒吓炒吓，等放完年假後，睇清楚班大戶開上還是開落，再決定如何埋位吧。
市悶仍想有搞作，不妨以環保概念股作為入市目標，當中龍頭股光大國際（00257）最值得考慮。公司變身多年，業務以發展污水處理同埋垃圾焚燒發電為主，就以垃圾發電來講，光國今年首十個月二氧化碳減排達到43萬噸，發電量3.9億度，足足係32萬個家庭嘅用電量。內地大力推行環保發電，光國擁有多年嘅垃圾發電技術，自然受基金垂青，現時大市無方向，最值得低位慢慢儲貨，總有炒上一日，向上隨時可見5.5元，止蝕位可考慮放於3.6元。
古晨