到咗年尾，又係各大機構總結一年成績嘅時候，內地《投資者報》就做咗個統計，選出今年度A股市場最差嘅20位上市公司行政總裁，結果發現國企老總佔咗九成，某程度反映仲有唔少國企中人與市場大脫節。
只小部分涉H股
呢20位最差嘅CEO只有小部分涉及本港上市公司，所以絲絲唔會盡錄，只列出大家似曾相識嘅名單，例如李向東（東方熱電）、劉鵬程（金杯汽車）、黃小文（中海集運）、肖維箴（S儀化）、王東升（京東方）、張培武（北人股份）及戎光道（S上石化）。
名單排名係由股東創造價值經濟增加值以及資本效率呢兩樣嘢去分析，結果最終選出咗唔同行業嘅人，相信都有唔少代表性，希望佢哋喺嚟緊一年可以加把勁啦！
余絲韻