幫股東改善生活

絲絲知道，阜豐早前發布盈喜後，有29名股東各自減持200萬股，龔氏話扣除所有費用後，每位股東淨袋約600多萬元，而呢29位股東係公司嘅「開國功臣」，一直都未曾減持股份，今次套現主要係公司回饋佢哋，幫佢哋改善生活。

講開內地樓價，佢話近期北京、上海樓價升得好快，好多人今年初已計劃買樓，點知樓價升得太快，惟有等多兩、三年先再打算。佢又聽聞喺上海嘅年輕人，有啲因冇錢買樓就同情侶分手，或者結婚後要與父母同住，而剛畢業嘅後生仔每月搵得幾千蚊，就連供樓都困難。佢又話，記得多年前佢喺深圳工作時，見到香港嚟嘅同事成日呻供樓辛苦，所以佢教絲絲最好揀有樓嘅男人結婚，唔係日後要供樓就好辛苦。

余絲韻