福布斯話今年嘅特色係創投市場逐漸成熟，愈嚟愈多中國本土優秀嘅創投基金及基金經理取代外資創投成為主流。

本土創投成主流

福布斯話，據統計今年第三季度中國70%嘅項目、53%嘅資金都係人民幣基金投資，而喺○六年，八成以上項目都係外資基金投資。

絲絲仲記得○二年有好多外資投行見到中國創投業好有前景，爭崩頭咁要入中國搞創投基金，仲請咗唔少中國海歸派或者係對資本市場好有經驗嘅中資人幫手，當中中海油（00883）前首席財務官邱子磊及上實控股（00363）前行政總裁卓福民都係因為咁，轉咗去外資行做中國創投業務。但福布斯今次公布嘅最佳創業投資人榜單中，大部分都係中國本土創投基金。

福布斯仲話，今次佢哋係第4次針對活躍中國大陸嘅創業投資家進行獨立調查，經過對候選投資人喺過去5年退出項目嘅研究，以及退出項目嘅業績等，最終揀咗50位創投界精英入榜。

余絲韻