浸大活動過料畀傳媒

佢完咗呢場演講後，就要即刻飛返香港出席周末喺浸會大學搞嘅工作坊，為傳媒人提供在職培訓，可能因為金融海嘯、雷曼迷債嘅關係，所以今年嘅主題定為「財經報道」，屆時任總會再次與傳媒有近距離接觸，同大家分享傳媒採訪財經新聞嘅重點，總之任何有關財經新聞都可無所不談，例如佢點樣以財經人角度嚟睇財經新聞。

講時講，任總做金管局總裁時真係好知道傳媒要乜，好多時都能夠畀到個重點出嚟，跟住啲傳媒就有功課交。工作坊當日除咗任總，馬時亨亦會出席跟傳媒分享一番。

講番喺北京嘅論壇，絲絲嘅老友就聽聞，《財經》嘅主編胡舒立已離開，論壇嘅出席者名單隨時會因為咁而有變。

余絲韻