本文重點
俗語話「讀萬卷書不如行萬里路」，招商局國際（00144）嘅愛心義工隊上周末就將之實踐，帶同香港救世軍大窩口兒童之家嘅社工、家舍家長及小朋友去深圳，參觀佢哋嘅歷史博物館及碼頭，為兒童提供境外學習機會，擴闊視野。
中資為港慈善出力
招商局喺去年成立佢哋嘅愛心義工隊，希望實現「取諸社會，用諸社會」嘅理念，仲係香港政府社會福利署「義工運動」嘅成員之一添。
絲絲一向都知香港嘅中資公司喺賺錢之餘，一直不遺餘力咁又捐錢又捐物資去支持內地嘅慈善事業，飲水思源都無可厚非，佢哋喺香港當然有做捐錢呢類慈善活動，但義工隊較少聽到。
所以今次義工隊嘅活動真係令絲絲意外得嚟又開心，證明家陣啲中資已開始慢慢融入咗香港嘅生活，默默為香港慈善事業出力，認真抵讚。
余絲韻