15/12/2009

播放本新聞相關短片
查詢股票編號

鑊鏟快線:南航料再次高飛

「杜彈」持續困擾港股,雖然美股連升三日,惟空軍出擊頻頻,恒指早段再炒低三舊,殺落21,546點,形勢岌岌可危。點知下午傳出「杜彈」被拆消息,恒指即時玩由跌轉升,高低相差六舊幾,可知班大戶炒得有幾狠。愈近年尾,大市走勢愈古怪,小心聖誕假期前後會有更大動作。

市況突然轉好,一眾炒友自然埋位炒過,內地希望谷內需推動經濟,早前就推出加快旅遊業發展計劃,希望透過催谷旅遊去帶動消費。事實上,旅遊的確可以帶旺多個行業,最受惠莫過於航空業,南航(01055)經過去年低潮期後,營運數字一直有不俗增長,十一月份載客量上升咗13.9%,而南航注重嘅貨運量增長更出色,高達33.6%,未來再有中央政策扶持,自然值得看高一線,尋日A股突然爆升5%,H股自當跟隨追炒,向上暫睇3.5元,止蝕位可以放於2.5元。

古晨