近日大市持續回軟，高位阻力重重，跌市時成交增加，都知道唔多對路。詩詩於是以快打慢，昨日一開市見航天控股（00031）仲有水位，即時喺1.58元食咗胡，收市睇番都頻呼好彩。咁嘅市況，都係炒股唔炒市。
近日詩詩身邊好友都轉用iPhone，就想起上月以2億美元，從母公司手上回購手機供應商聯想移動的聯想集團（00992）。雖然，聯想移動對聯想短期貢獻可能無預期咁大，但從中線角度睇，內地3G市場潛力巨大，未來集團可藉着電腦及移動互聯網業務作雙線發展，在相輔相成下，相信會有一番新景象。此外，受惠於家電下鄉政策取消最高價格限制，亦對聯想起了短期刺激作用。
走勢上，聯想股價近兩個多月試衝4.7至4.8元阻力皆未能成功，但本周於50日線水平逐步發力，成交增加配合，值得吼位跟進，目標先睇5.2元，止蝕4.3元。
詩詩