大市連插四日，頭三日都唔多感受到跌市氣氛，直至尋日終於感受到嗰種大跌就大跌嘅氣氛，唔少當炒股份尋日都有較顯著嘅跌幅，未知今次係大戶震倉，還是真的轉勢向下。
油價跌至70美元，應不利油股，擁有突尼西亞油田嘅中亞能源（00850），周三大成交急升兩成，尋日於高位依然保持氣勢，認真唔簡單。中亞自轉型開採油田後，一直都有收購一啲細油井，發展都唔錯。
古晨記得十月底時，中亞搵咗中石油集團旗下中國東方地球物理公司作為承包商，為旗下Ksar Hadada提供勘探同技術顧問，當時估計要歷時三個月，計一計數，可能已經有初步結果，隨時今次炒上係有老利消息，尋日咁有勢一於追，博炒上0.65元，止蝕位可以定於0.46元。
古晨