本文重點
全球氣候問題日益嚴重，早排香港未正式入冬，氣溫卻忽然跌至10度左右，都咪話唔得人驚。絲絲留意到社企近年更積極推行環保，好似滙豐銀行咁，繼之前九月喺香港推出「綠色貸款」，協助客戶購買環保機器後，最近又喺馬來西亞推廣綠色帳戶。
撥捐WWF支持環保
滙豐馬來西亞為工商銀行客戶推出嘅綠色帳戶，除咗會將所有交易電子化以節省用紙之外，該行仲會為每一個新開立嘅帳戶撥捐10馬幣（約22.9港元）畀世界自然基金會（WWF）馬來西亞分會。另外，綠色工商客戶購買指定回教保險產品，滙豐馬來西亞亦會將相當於首年保費嘅4.5%金額撥捐至WWF，為減少砍伐樹林及對抗氣候變化出一分力。
為咗鼓勵客戶支持環保，滙豐馬來西亞喺有關推廣期內會優待綠色工商客戶，將開立新帳戶嘅門檻由1萬馬幣降至1,000馬幣，亦不設最低結餘要求。
余絲韻